Пад Лагойскам у ДТЗ з трактарам загінулі два чалавекі

Жудасная аварыя адбылася ў Лагойскім раёне 26 снежня каля 17:00, паведамляе абласная ДАІ.

48-гадовы кіроўца BMW ехаў па трасе Р66. У раёне 18-га кіламетра дарогі яго аўтамабіль вынесла на паласу сустрэчнага руху. Там BMW урэзаўся ў трактар, якім кіраваў 27-гадовы жыхар Лагойска.

У выніку аварыі кіроўца легкавушкі і 62-гадовая пасажырка памерлі на месцы ад атрыманых траўмаў. Яшчэ адзін пасажыр BMW з цяжкімі траўмамі шпіталізаваны, ён у рэанімацыі.