Офіс прэзідэнта Украіны прыняў адстаўку Аляксея Арастовіча
Аляксей Арастовіч / smotrim.ru
Офіс прэзідэнта Украіны прыняў адстаўку Аляксея Арастовіча з пасады дарадцы Офіса, паведамляе "Украінская праўда". Журналістам гэта пацвердзіў прэс-сакратар прэзідэнта Сяргей Нікіфараў.
Як распавядала Еўрарадыё, Арастовіч напісаў у сацсетках, што падаў заяву на звальненне з пасады дарадцы Офіса прэзідэнта. Перад тым у жывым эфіры палітык зрабіў неправераную заяву пра жылы дом у Дняпры, у які пацэліла расійская ракета. Ён сказаў, быццам гэтую ракету збілі сілы ўкраінскай супрацьпаветранай абароны. Гэтае выказванне падхапілі расійскія СМІ і прапагандысты.
Улады Украіны афіцыйна абверглі гэтую заяву і падкрэслілі, што ракету не збілі, яна сама трапіла ў жылы дом. Арастовіч публічна папрасіў прабачэння за памылку, спаслаўшыся на стомленасць.
