Новак Джокавіч другі раз запар выйграў выніковы чэмпіянат АТП
У фінале лонданскага турніру сербскі тэнісіст абыграў першую ракетку свету Рафаэля Надаля — 6:3, 6:4.
Паядынак доўжыўся 1 гадзіну 35 хвілінаў, паведамляе "Прессбол". Нягледзячы на перамогу ў турніры Асацыяцыі тэнісістаў-прафесіяналаў, у рэйтынгу серб застанецца другім.
Для Джокавіча гэтая перамога стала трэцяй на выніковым турніры ATP у кар'еры і другой запар. Надаль яшчэ ні разу не выйграваў гэты турнір і другі раз прайграў у фінале.
Агулам у 2013 годзе Джокавіч выйграў шэсць тытулаў.
Фота — pressball.by