Не закаталі ў асфальт: як жыхарам вёскі тры гады рамонт дарогі абяцалі
![Плакат на дарозе да вёскі Бярозавая Гара / Еўрарадыё](/sites/default/files/styles/gallery_main/public/2023-08/photo_2020-10-11_18-48-16.jpg.webp?itok=LQLx_Jl0)
Плакат на дарозе да вёскі Бярозавая Гара / Еўрарадыё
Бярозавая Гара — вёсачка за 20 кіламетраў ад Мінска. Нягледзячы на такую блізкасць да сталіцы, жыхары ўжо доўгі час скардзяцца ўладам на адсутнасць нармальнай асфальтаванай дарогі: пад'езд да населенага пункта ўяўляе з сябе пясчаны насып.
Некалькі гадоў таму скаргі бярозавагорцаў, здавалася б, былі пачутыя: кіраўніцтва "Мінскаблдарбуда" паведаміла, што "рамонт пад'езда да вёскі Бярозавая Гара ў плане ўладкавання на ім асфальтабетоннага пакрыцця" ўключаны ў Дзяржаўную праграму па развіцці і ўтрыманні аўтамабільных дарог у Рэспубліцы Беларусь на 2017–2020 гады.
![Не закатали в асфальт: как жителям деревни три года ремонт дороги обещали](/sites/default/files/paragraphs/image/01_3.png)
У наступным лісце жыхарам вёскі сказалі дакладны год заканчэння работ — 2020-ы.
![Не закатали в асфальт: как жителям деревни три года ремонт дороги обещали](/sites/default/files/paragraphs/image/02_7.png)
Калі 2020-ы год наступіў, бярозавагорцам паведамілі, што работы правядуць у III квартале гэтага года.
![Не закатали в асфальт: как жителям деревни три года ремонт дороги обещали](/sites/default/files/paragraphs/image/03_6.png)
Ну а крыху пазней — больш дакладны тэрмін: з 15 да 30 верасня.
![Не закатали в асфальт: как жителям деревни три года ремонт дороги обещали](/sites/default/files/paragraphs/image/04_4.png)
На календары 14 кастрычніка, значыць, сваю дарогу жыхары Бярозавай Гары павінны былі атрымаць ужо два тыдні таму. Аднак асфальтабетоннага пакрыцця ўсё яшчэ не відаць. Што ж пайшло не так?
У адказе на іх чарговы напамін бярозавагорцам растлумачылі, што рамонт планаваўся за кошт сабраных сродкаў за аплату дарожнага збору. Аднак сродкаў паступіла менш, чым планавалася, таму рамонту не будзе.
"Гэтая акалічнасць у цяперашні час не дазваляе правесці аплату асноўных матэрыялаў і выканаць запланаваныя работы", — гаворыцца ў адказе за подпісам гендырэктара "Мінскаблдарбуда" Дзяніса Сцяпанава.
![Не закатали в асфальт: как жителям деревни три года ремонт дороги обещали](/sites/default/files/paragraphs/image/05_4.png)
Тым часам дарожнікі нагадваюць, што стан гэтай дарогі адпавядае патрабаванням бяспекі дарожнага руху. Незавуаляваны намёк: карыстайцеся тым, што ёсць.
![Не закатали в асфальт: как жителям деревни три года ремонт дороги обещали](/sites/default/files/paragraphs/image/06_4.png)
Ну а самі жыхары вёскі адрэагавалі на сітуацыю наступным чынам: на ўездзе ў населены пункт з'явіўся транспарант "Лука прамяняў дарогу на бронекамізэлькі!". Рэдакцыя Еўрарадыё губляецца ў здагадках, што гэты надпіс можа азначаць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.