Выйшаў апошні нумар штотыднёвіка "Наша Ніва"
Праз 25 гадоў пасля аднаўлення “Нашай Нівы”, праз 110 гадоў ад яе заснавання рэдакцыя газеты вырашае адмовіцца ад штотыднёвай папяровай версіі.
“Зараз “Наша Ніва” — гэта будзе ў першую чаргу інтэрнэт-сайт NN.BY. А на паперы ад 1 ліпеня “Наша Ніва” будзе выходзіць у фармаце штомесячніка на 24 старонках”, — паведамляецца на сайце выдання і дадаецца, што папяровы штомесячнік захавае выдавецкую традыцыю. Гэта будзе спакойнае чытво для людзей з іншым тэмпам спажывання інфармацыі.
Першы выпуск “Нашай Нівы” выйшаў у 1906 годзе. Скончыла выдавацца ў 1915 годзе. Сучасная “Наша Ніва” заснаваная ў траўні 1991 года ў Вільні. Першым галоўным рэдактарам быў Сяргей Дубавец. Цяпер пасаду шэф-рэдактара займае — Андрэй Дынько.
У лістападзе 2005 года “Наша Ніва” была выдалена з каталогу падпіскі РУП “Белпошта”. З таго часу распаўсюджвалася намаганнямі ўласнай службы дастаўкі і пераходзіць у кішэнны фармат і павялічвае колькасць старонак да 48-мі. У снежні 2008 года ўлады Беларусі ізноў дазволілі распаўсюджанне газеты ў дзяржаўнай сетцы “Саюздрук”. Першы з такіх нумароў выйшаў у колеры і меў тыаж 5 126 асобнікаў.
