Надвор’е на нядзелю: снег, месцамі галалёд
У бліжэйшыя суткі, 1 снежня, у Беларусі чакаецца хмарнае надвор’е.
На большай частцы тэрыторыі краіны пройдзе снег, мокры снег, удзень па захадзе з дажджом. Месцамі ўтворыцца слабы галалёд, на дарогах галалёдзіца. Вецер заходні, паўднёва-заходні ўмеркаваны. Удзень у многіх раёнах краіны чакаецца ўзмацненне ветру парывамі да 15-20 метраў за секунду.
Тэмпература паветра ўначы — ад мінус 3 да плюс 3 градусаў, удзень яна складзе 0-+5, перадае БЕЛТА са спасылкай на Белгідрамет.
