На вучэннях “Захад-2017” верталёт выпадкова даў залп па людзях (відэа)
![На вучэннях “Захад-2017” верталёт выпадкова даў залп па людзях (відэа)](/sites/default/files/styles/gallery_main/public/2023-08/c1fdb56d_resizedscaled_1020to574.jpg.webp?itok=QQFh7DtG)
На беларуска-расійскіх вайсковых вучэннях “Захад-2017” баявы верталёт выпадкова даў залп па людзях. Здарэнне адбылося на палігоне “Лужскі” пад Санкт-Пецярбургам 17 верасня. Ёсць двое пацярпелых, у іх цяжкія раненні. Сайт 66.ru інфармуе, што з верталёта Ка-52 адбыўся адвольны запуск ракет класу “паветра-зямля”. Згарэлі, як мінімум, два аўтамабілі. Адзначаецца, што гэта была трэніроўка перад вучэннямі, на якія 18 верасня прыязджалі прэзідэнт Расіі Уладзімір Пуцін і міністр абароны Сяргей Шайгу.
Вучэнні “Захад-2017” праходзяць на тэрыторыі Беларусі і Расіі. Яны заканчваюцца 20 верасня.