На праваслаўнае Раство пасёлак пад Мінскам застаўся без цяпла
Без цяпла і гарачай вады засталіся 7 студзеня жыхары пасёлка Мачулішчы пад Мінскам. Як інфармуе прэс-служба Мінскага абласнога ўпраўлення МНС, паведамленне пра прарыў трубаправода гарачага водазабеспячэння паступіла пасля 7-й гадзіны раніцы.
Без гарачага водазабеспячэння заставаліся 83 шматкватэрныя жылыя дамы, агульнаадукацыйная школа, дзіцячы садок, будынак вайсковай часці 067552, а таксама праваслаўная царква вялікамучаніка і лекара Панцеляймона.
Падача гарачай вады аднавілася толькі праз 10 гадзінаў — а 17-й.
Фота: e1.ru
