На будоўлі ў Калодзішчах абрынулася сцяна
Падчас будаўнічых работ пры ўзвядзенні двухпавярховага жылога дома ў пасёлку Калодзішчы пад Мінскам адбылося абвальванне сцяны.
Пра гэта паведамляе прэс-служба МНС Беларусі.
Будаўніцтва дома вяла брыгада ў складзе сямі рабочых. У выніку абвальвання пад завалы трапілі тры чалавекі. Пацярпелых удалося ўратаваць. Усе яны жывыя, аднак траўмаваныя і цяпер знаходзяцца ў лякарні.