На аўтавакзале "Цэнтральны" ў Мінску можна будзе зрабіць ПЛР-тэст
Аўтавакзал "Цэнтральны" ў Мінску
Пасажырам аўтатранспарту ў Мінску стануць даступныя два віды тэставання на COVID-19 у новай лабараторыі. Яна адкрыецца ў аўторак на тэрыторыі сталічнага аўтавакзала "Цэнтральны", паведамляе Міністэрства аховы здароўя.
Гаворка ідзе аб стандартным тэставанні метадам ПЛР і экспрэс-аналізе на антыген (ДЭТ Ag). У першым выпадку вынік будзе гатовы цягам сутак (папярэдні электронны запіс), у другім — цягам 30 хвілін ("жывая" чарга).
Лабараторыя будзе размяшчацца на вуліцы Бабруйскай, 6-1, на другім паверсе, у пакоі маці і дзіцяці. Даведку можна атрымаць па тэлефоне: 8(017) 319-69-84.
