МЗС Германіі і Офіс Ціханоўскай перадалі палку Каліноўскага пяць пікапаў
Пікапы для беларускіх добраахвотнікаў ва Украіне / twitter.com/GERonOstpolitik
МЗС Германіі разам з Офісам Ціханоўскай перадалі пяць пікапаў палку Каліноўскага.
Пра гэта ў Твітары напісаў упаўнаважаны МЗС Германіі па краінах Цэнтральнай Азіі, Усходняй Еўропы і Каўказа Матыяс Лютэнберг.
"Міжнародная салідарнасць з Украінай: беларускія валанцёры падтрымліваюць украінскія сілы ў абароне ад расійскай агрэсіўнай вайны", — дадаў дыпламат. Ён назваў выдатным супрацоўніцтва з камандай Ціханоўскай.
Як распавядала Еўрарадыё, 7 чэрвеня Святлана Ціханоўская правяла анлайн-сустрэчу з прадстаўнікамі палка Каліноўскага. Да таго моманту Ціханоўская наўпрост з прадстаўнікамі палка не кантактавала, адносіны падраздзялення і Офіса Ціханоўскай былі складаныя.
