Мядзведзеў параіў міністру ставіць будзільнік “у розныя месцы” (відэа)
Расійскі прэм’ер-міністр Дзмітрый Мядзведзеў зрабіў заўвагу міністру сельскай гаспадаркі. Справа ў тым, што Аляксандр Ткачоў спазніўся на пасяджэнне ўраду.
“Аляксандр Мікалаевіч, мы вас чакалі. Я ўчора вярнуўся позна вельмі, я вось на месцы быў, а вас чакалі. Будзільнік сабе стаўце ў розныя месцы”, — сказаў прэм’ер. Сам ён напярэдадні разам з Уладзімірам Пуціным наведваў архіпелаг Зямля Франца-Іосіфа.
