Мінабароны: іншыя дзяржавы адмаўляюцца ад сустрэч з прадстаўнікамі Беларусі
Прадстаўнікі іншых дзяржаваў адмаўляюцца праводзіць працоўныя сустрэчы з прадстаўнікамі Мінабароны Беларусі. Пра гэта заявіў начальнік упраўлення верыфікацыі Дэпартамента міжнароднага ваеннага супрацоўніцтва Мінабароны палкоўнік Аляксандр Вянгура.
Як паведамляе прэс-служба вайсковага ведамства, ён удзельнічае ў штогадовай сустрэчы начальнікаў верыфікацыйных цэнтраў дзяржаў-удзельніц АБСЕ. Яна праходзіць у Вене.
У сваім выступе Вянгура пацвердзіў, што Беларусь застаецца будзе няўхільна выконваць міжнародныя дамовы і пагадненні ў галіне кантролю над узбраеннямі. Таксама ён заклікаў працягваць узаемадзеянне абаронных ведамстваў у пытаннях кантролю над узбраеннямі — нягледзячы на палітычную і эпідэміялагічную абстаноўку.
