Меркель абвергла выключэнне Расіі з G8

Канцлер Нямеччыны Ангела Меркель даведалася пра маскоўскую дамову падчас прэс-канферэнцыі з прэм'ер-міністрам Партугаліі Пэдра Каэльё. Яна заявіла, што ўключэнне Крыма ў склад Расію па выніках "так званага рэферэндуму" супярэчыць міжнароднаму праву.





Пры гэтым Меркель падкрэсліла, што цяпер нельга казаць пра выключэнне Расіі з "Вялікай васьмёркі". Гаворка пакуль ідзе толькі аб прыпыненні падрыхтоўкі да саміту G8 у Сочы, перадае РБК.





Прэм'ер-міністр Польшчы Дональд Туск адзначыў, што межы Украіны ў адно імгненне былі змененыя і міжнародная супольнасць не павінна з гэтым згаджацца. У сваю чаргу, віцэ-прэзідэнт ЗША Джо Байдэн, які прыехаў у Варшаву, ахарактарызаваў рашэнне Пуціна як "захоп земляў" і заявіў пра неабходнасць новых санкцый супраць Расіі.





Белы дом абвясціў, што ўжо бліжэйшымі днямі прэзідэнт ЗША сустрэнецца ў Еўропе з лідэрамі іншых краін G7, каб абмеркаваць далейшыя сумесныя крокі.





Прэм'ер-міністр Вялікабрытаніі Дэвід Кэмеран паабяцаў, што "Расію чакаюць самыя сур'ёзныя наступствы за непрымальнае рашэнне анэксаваць Крым". А кіраўнік МЗС Уільям Хейг заявіў, што Вялікабрытанія прыпыняе вайсковае супрацоўніцтва з Масквой.





Прэзідэнт Савета Еўропы Герман Ван Рампей і прэзідэнт Еўракамісіі Жазэ Мануэль Барозу ў сумеснай заяве адзначылі, што ЕС не прызнае анэксію Расіяй Крыма і Севастопаля.





Фота — hvylya.org