Маршрутка ў Брэсце вылецела на тратуар і збіла пешахода
![Маршрутка вылецела на тратуар](/sites/default/files/styles/gallery_main/public/2024-01/marsrutka-1001.jpg.webp?itok=1kq5QciJ)
Маршрутка вылецела на тратуар / ДАІ Брэсцкага аблвыканкама
У Брэсце маршрутная таксоўка збіла пешахода на тратуары, паведамляе абласная ДАІ.
Здарэнне адбылося 9 студзеня каля 16:30. Маршрутка "Мерсэдэс" ехала па вуліцы Брэсцкіх дывізій. 38-гадовы кіроўца не ўлічыў дарожныя ўмовы і надвор'е, не справіўся з кіраваннем і выехаў на тратуар. Там аўтамабіль збіў 46-гадовага мужчыну.
Пры аварыі пешаход атрымаў траўмы рознай ступені цяжкасці, і яго давялося шпіталізаваць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.