Максіма Вінярскага аштрафавалі амаль на 15 млн рублёў

Максіма Вінярскага аштрафавалі амаль на 15 млн рублёў

Суддзя Маскоўскага раённага суда Таццяна Мотыль аштрафавала актывіста "Еўрапейскай Беларусі" Максіма Вінярскага на 14 млн 700 тысяч рублёў (70 базавых велічыняў), паведамляе праваабарончы сайт "Вясна".

Суд прайшоў 5 студзеня. Вінярскага судзілі за ўдзел у Маршы студэнтаў, які прайшоў у Мінску 2 снежня. Актывіст абвясціў адвод суддзі, бо тая яго судзіла і раней, але Таццяна Мотыль адхіліла хадайніцтва. Пасля гэтага актывіст адмовіўся ўставаць і даваць паказанні, бо заявіў пра недавер да суда.

Пасля гэтага, як паведамляла Еўрарадыё, на Вінярскага пачалі яшчэ адну адміністратыўную справу — за непавагу да суда.

У выніку суддзя прысудзіла да штрафу: за ўдзел у несанкцыяваным мерапрыемстве — 10,5 млн рублёў (50 базавых), за непавагу да суда — 4,2 млн рублёў (20 базавых).

Фота: ampby.org

Апошнія навіны

Галоўнае

Выбар рэдакцыі