Макей дасылаў у Брусель ліст і заклікаў ЕС да дыялогу з Мінскам
Міністр замежных спраў РБ Уладзімір Макей дасылаў у Брусель ліст і заклікаў ЕС да дыялогу з Мінскам. Яго фотакопія была апублікаваная. Ліст пазначаны 6 красавіка. У ім Макей з цеплынёю згадвае адлігу паміж Беларуссю і Захадам у 2016-2019 гадах. Санкцыі, уведзеныя супраць уладаў Беларусі, ён параўноўвае з Берлінскай сцяной.
Міністр запэўнівае еўрапейскіх дыпламатаў, што "Беларусь не будзе ўцягнутая ў вайну" Расіі з Украінай. І просіць пра ўзнаўленне дыялогу з афіцыйным Мінскам.
Як вядома, ЕС уводзіў санкцыі супраць уладаў Беларусі за фальсіфікацыю вынікаў прэзідэнцкіх выбараў 2020 года, за масавыя парушэнні правоў чалавека, за пасадку пасажырскага самалёта Ryanair у траўні 2021-га і дазвол расіянам атакаваць Украіну з тэрыторыі РБ. У нашай краіне на сённяшні дзень 1130 палітвязняў! І як у такіх умовах можа пачацца "дыялог"?
quite a letter from the foreign minister of #Belarus to some counterparts in the EU complaining about a "witch hunt" against Belarus, a new "ice age" & "Berlin wall" in EU-Belarus relations & rejection that Belarus "somehow being involved in the hostilities in #Ukraine". #Russia pic.twitter.com/L40cx8efIF
— Rikard Jozwiak (@RikardJozwiak) April 14, 2022
