Лукашэнка запланаваў на 2016 год візіт у Эквадор
![Лукашэнка запланаваў на 2016 год візіт у Эквадор](/sites/default/files/styles/gallery_main/public/2023-08/000049_75551_big.jpg.webp?itok=VnxPhIyT)
Аляксандр Лукашэнка запланаваў на 2016 год візіт у Эквадор. Цяпер ідзе яго падрыхтоўка "на самым высокім узроўні". Пра гэта ён заявіў у панядзелак падчас сустрэчы з старшынёй Нацыянальнай асамблеі гэтай краіны Габрыелай Рывадэнэйрай Бурбана. Ён адзначыў, што Эквадор "геаграфічна далёкі" ад Беларусі, але "вельмі блізкі па духу", інфармуе БЕЛТА.
Лукашэнка нагадаў, што наведваў з візітам Эквадор у 2012 годзе. "Я пабываў у многіх краінах, але Эквадор не магу параўнаць ні з адной з іх па унікальнасці і своеасаблівасці". Падчас сёлетняга візіту кіраўнік Беларусі асаблівую ўвагу прысвеціць гандлёва-эканамічным пытанням. Будзе разгледжана рэалізацыя дамоўленасцяў, якія былі дасягнутыя з прэзідэнтам Эквадора Рафаэлем Карэа.
Як паведамляла Еўрарадыё, у верасні 2015-га ў штаб-кватэры ААН у Нью-Ёрку прайшла сустрэча кіраўнікоў Беларусі і Эквадора (на здымку). Яны дамовіліся, што пачнуць падрыхтоўку да візіту Аляксандра Лукашэнкі ў Эквадор.
![Лукашэнка запланаваў на 2016 год візіт у Эквадор](/sites/default/files/paragraphs/image/ekvador-2809.jpg)