Лукашэнка накіраваў спачуванне Зяленскаму
Аляксандр Лукашэнка накіраваў спачуванне ўкраінскаму прэзідэнту Уладзіміру Зяленскаму ў сувязі з пажарам у Адэсе, у якім загінулі людзі. "У Беларусі з глыбокім шкадаваннем і болем ўспрынялі трагічную навіну аб жахлівым пажары ў Адэсе, які прывёў да шматлікіх чалавечых ахвяраў", — цытуе словы спачування БЕЛТА.
Лукашэнка перадаў ад сябе асабіста і ад беларускага народу словы падтрымкі і спачування, пажадаў выздараўлення пацярпелым.
Колькасць ахвяр падчас пажару ў Адэскім каледжы эканомікі, права і гасцінічна-рэстараннага бізнесу павялічылася да 10 чалавек. У нядзелю падчас разбору завалаў знайшлі целы двух загінулых. Праводзіцца іх апазнанне. Пажар здарыўся раніцай 4 снежня, узгаранне ўзнікла на трэцім паверсе. Плошча пажару склала 4 тысячы квадратных метраў. Пацярпелі больш за 30 чалавек. Разглядаюцца версіі аварыйнай працы электраабсталявання і наўмыснага падпалу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
