Лукашэнка едзе ў мабільную брыгаду сілаў спецаперацый
Кіраўнік дзяржавы сёння наведае Віцебск, дзе адкрываецца "Славянскі базар".
Таксама ён пабывае ў 103-й Асобнай гвардзейскай мабільнай брыгадзе сілаў спецыяльных аперацый Узброеных сілаў Беларусі. Як чакаецца, Аляксандру Лукашэнку будзе паведамлена аб арганізацыі падрыхтоўкі спецназаўцаў. Ён пабывае ў навучальным корпусе, салдацкай сталовай, парку баявых машын, а таксама гарадку тактыка-спецыяльнай падрыхтоўкі і паветрана-дэсантным комплексе.
Кіраўнік дзяржавы азнаёміцца з абсталяваннем навучальных класаў, узбраеннем і экіпіроўкай вайскоўцаў падраздзяленняў спецыяльнага прызначэння, са станам паркаў баявых машын ва Узброеных сілах і перспектывамі іх удасканалення, з арганізацыяй баявой падрыхтоўкі, інфармуе БЕЛТА.
Фота — bymedia.net