Ларыса Грыбалёва на волі

Ларыса Грыбалёва на волі. Пра гэта спявачка напісала ў сацсетках: "Дарагія мае, я дома, усё добра. Мы з Алёнкай шлём усім восеньскае прывітанне!".

Грыбалёва не ўдакладніла, ці сапраўды яе затрымлівалі і ці быў у яе дома ператрус, пра што ў сераду паведамілі праваабаронцы. Як піша "Зеркало", Ларысу Грыбалёву адпусцілі пасля затрымання.

У 2020-м спявачка разам з іншымі дзеячамі культуры выступіла супраць гвалту сілавікоў і за свабодныя сумленныя выбары. Пасля гэтага яна трапіла ў негалосны спіс 80 выканаўцаў, якім забаронена выступаць у нашай краіне.