Кур'ёзы падчас аблівання ледзяной вадой (відэа)
У інтэрнэце набірае папулярнасць відэаролік, у якім сабраныя няўдалыя моманты аблівання ледзяной вадой. Ён набраў ужо каля 11,5 млн праглядаў.
Нагадаем, што флэшмоб актыўна пашыраецца па ўсёй планеце, пачаўшыся з галівудскіх зорак. Знакамітасці абліваюць сябе халоднай вадой з вядра ў падтрымку хворых на невылечнае захворванне цэнтральнай нервовай сістэмы пад назвай "бакавы аміятрафічны склероз (БАС)". Яно вядомае таксама як хвароба Лу Герыга ці хвароба Шарко.
Людзі, якія прынялі ўдзел ва флэшмобе Ice Bucket Challenge, павінны перадаць эстафету знаёмым, сябрам ці вядомым асобам. Тыя павінны ці абліцца ледзяной вадой, ці зрабіць грашовы ўнёсак у фонд барацьбы з хваробай.
