Крадзеж на выставе ў Італіі і мора румынскай крыві — #ІхНоравы

— Не, мяне не матывуюць талоны, я і раней рэгулярна здавала кроў, — кажа яшчэ адна жанчына. — Я здавала цягам апошніх 20 гадоў, нават тады, калі талон каштаваў 60-70 леяў.

Раней Румынія адчувала недахоп запасаў крыві, але цяпер яе банкі запоўніліся.

У ЗША выпрабавалі беспілотны самалёт Talon-A

Амерыканская аэракасмічная кампанія Stratolaunch назвала паспяховым першы выпрабавальны палёт новага беспілотнага апарата для гіпергукавых даследаванняў.

Гіпергукавыя палёты — гэта палёты з хуткасцю не менш за 5 Махаў, што ў пяць разоў перавышае хуткасць гуку.

Галоўны выканаўчы дырэктар Закары Крэвар у сваёй заяве кажа, што апарат Talon-A-1 "дасягнуў высокіх звышгукавых хуткасцяў, якія набліжаюцца да 5 Махаў, і сабраў велізарную колькасць дадзеных па неймаверна выгаднай для нашых кліентаў цане".

Крэвар сказаў, што не можа назваць канкрэтную вышыню і хуткасць палёту, бо ў яго ёсць дамоўленасці з кліентамі.

На выставе ў Італіі скралі ўсе экспанаты

Каля паўсотні твораў абстрактнага мастацтва зніклі з музея на возеры Гарда ў Італіі.