Кожны пяты літовец лічыць Беларусь варожай дзяржавай
Праўда, самай варожай літоўцы лічаць Расію.
На замову DELFI кампанія па даследаванні грамадскай думкі і рынку Spinter tyrimai правяла апытанне. Па яго выніках самай варожай для Літвы краінай аказалая Расія. Такое меркаванне выказалі 72,5% рэспандэнтаў.
Яшчэ адной варожай дзяржавай жыхары лічаць Польшчу — 26,8% рэспандэнтаў. На трэцім месцы па варожасці для літоўцаў ідзе Беларусь — 19,1%. Яшчэ 2,8% лічыць варожымі паўночныя краіны, 1,2% — краіны Балтыі.
Жыхары таксама назвалі дружалюбныя Літве краіны. Па выніках апытання большасць рэспандэнтаў лічыць дружалюбнымі краіны Балтыі — Эстонію і Латвію (71,4% рэспандэнтаў).
Другое месца занялі паўночныя краіны — Данія, Нарвегія, Швецыя і Фінляндыя (46,4%).
Польшчу лічаць сяброўскай 12,6% рэспандэнтаў, Беларусь — 6,5%, Расію — 3,6%.
Дарэчы, людзі, старэйшыя за 46 гадоў, часцей называлі дружалюбнымі краіны Балтыі і Польшчу ці Беларусь.
Фота — БЕЛТА
