Касманаўт Алег Навіцкі завёў Instagram у космасе
Касманаўт Алег Навіцкі, які цяпер знаходзіцца на міжнароднай касмічнай станцыі, адкрыў акаўнт у сацсетцы Instagram. Ураджэнец Беларусі вырашыў па магчымасці "радаваць сваімі фатаграфіямі і відэа".
Касманаўт ужо размясціў у сваім акаўнце восем фотаздымкаў і відэаролік. На іх можна пабачыць, як адбываецца вячэра экіпажа МКС, як касманаўты на арбіце адзначаюць стары Новы год.
За першыя суткі колькасць падпісчыкаў на акаўнт Алега Навіцкага ў Instagram вырасла больш за 7000 чалавек.
