Каля Гродна паляўнічы параніў дваіх рыбакоў, якія сядзелі ў чароце
![Каля Гродна паляўнічы параніў дваіх рыбакоў, якія сядзелі ў чароце](/sites/default/files/styles/gallery_main/public/2023-08/palauniczstrelba.jpg.webp?itok=rI8tZIyg)
У Гродзенскім раёне ў суботу, 5 верасня, 24-гадовы паляўнічы параніў дваіх рыбакоў. Ён з таварышам плыў на лодцы і заўважыў качку, якая ўзлятала. Малады чалавек стрэліў. Але птушка яшчэ не паднялася высока, таму шрот трапіў і ў чарот, у якім былі рыбакі. У аднаго з іх раненне рукі, у другога — вуха і шчакі, паведаміла БЕЛТА Вольга Грамовіч, прэс-сакратар Дзяржаўнай інспекцыі аховы жывёльнага і расліннага свету пры прэзідэнце Беларусі. .
У выніку, паляўнічага прыцягнулі да адміністрацыйнай адказнасці за парушэнне правілаў бяспекі на паляванні. Толькі праз год ён зможа вярнуцца ў шэрагі паляўнічых, але для гэтага яму давядзецца праходзіць навучанне і здаваць экзамен.