Ісламісты ў Пакістане асудзілі жаночы шопінг
Жанчынам можна хадзіць у закупы толькі ў суправаджэнні сваякоў-мужчын, лічаць багасловы правінцыі Хайбер-Пахтунхва.
Паводле словаў аднаго з рэлігійных лідараў, самотныя жанчыны на базарах выглядаюць вульгарна, асабліва ў святарны месяц Рамадан.
Рэлігійныя кансерватары заклікаюць гандляроў устрымацца ад продажу тавару жанчынам, якія самастойна робяць пакупкі. Тым не менш, паліцыя правінцыі адмовілася падтрымаць забарону, перадае ВВС.
Большасць жанчын на паўночным-захадзе Пакістану вымушаныя хадзіць з пакрытай галавой і займацца выключна хатняй працай.