Інтэрв'ю Ціханоўскай ў газеце Intex-press прызналі экстрэмісцкім матэрыялам
![Інтэрв'ю Ціханоўскай ў газеце Intex-press прызналі экстрэмісцкім матэрыялам](/sites/default/files/styles/gallery_main/public/2023-08/intex-press-2904-2.jpg.webp?itok=th4I2Wae)
Інтэрв'ю Святланы Ціханоўскай у газеце Intex-press і на сайце выдання прызнанае экстрэмісцкім матэрыялам, паведамляе прэс-служба Генпракуратуры.
Баранавіцкая міжраённая пракуратура выявіла, быццам у гэтым матэрыяле была інфармацыя, "накіраваная на распальванне ў грамадстве палітычнай, ідэалагічнай, сацыяльнай варожасці".
За гэтае інэрв'ю выдаўцу Уладзіміру Янукевічу вынеслі афіцыйнае пракурорскае папярэджанне, а потым аштрафавалі на 580 рублёў (20 базавых велічыняў) — як уладальніка сайта. Янукевіча чакае яшчэ суд як выдаўца газеты. А таксама ідзе праверка, па выніках якой на яго могуць пачаць крымінальную справу. Само выданне выкраслілі з падпіснога каталога "Белпошты" на другое паўгоддзе 2020-га і адмовіліся прадаваць у мясцовых крамах.
Баранавіцкая пракуратура падала заяву ў суд, і той сваім рашэннем прызнаў гутарку з Ціханоўскай, апублікаваную ў газеце, і відэазапіс на сайце экстрэмісцкімі матэрыяламі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.