Ілан Маск паказаў, як працуе "Тэлепатыя" — #ІхНоравы

30/01/2024 - 14:35

#ІхНоравы / калаж Улада Рубанава, Еўрарадыё

У Беларусі таннее ікра і даражэюць памідоры, а ў свеце тым часам прыдумалі тэлепатыю. Адцягнем вас ад навін і думак пра радзіму навінамі з усяго свету.

Беларусы больш не паляцяць у Тайланд

У акаўнце гурта "Бі-2" у сацсетцы Х пішуць, што музыкаў па-ранейшаму ўтрымліваюць у міграцыйным цэнтры ў агульнай камеры на 80 чалавек.

"Паводле нашай інфармацыі, учора было прынятае рашэнне пра дэпартацыю ўдзельнікаў гурта ў Ізраіль. У адпаведнасці з гэтым рашэннем былі набыты авіябілеты. Сёння пасля візіту высокапастаўленых дыпламатаў з расійскага консульства прадстаўнікам гурта было абвешчана, што рашэнне пра дэпартацыю ў Ізраіль адмененае", — гаворыцца ў паведамленні ў Х.

Будзем далей сачыць за лёсам беларусаў, а вы пакуль паглядзіце эфір з адвакатам Алесем Міхалевічам. Ён раскажа, якіх краін лепш пазбягаць.

Тэлепатыя Ілана Маска

Ілан Маск імплантаваў чалавеку бесправадны чып проста ў мозг. Яго кампанія Neuralink даўно працуе над гэтай тэхналогіяй, і Маск кажа, што першыя вынікі даволі перспектыўныя.

Афіцыйная мэта кампаніі — дапамагчы знерухомленым людзям у барацьбе са складанымі неўралагічнымі захворваннямі.

Як гэта працуе? У частку мозгу, якая кантралюе "намер руху", імплантуецца чып з тонкімі, танчэйшымі за чалавечы волас, ніткамі-электродамі. Гэтыя ніткі будуць улоўліваць імпульсы, якія ідуць ад нейронаў мозгу.

Гэты імплант працуе ад акумулятара і можа зараджацца праз бесправадную сетку. Ён будзе запісваць і перадаваць сігналы мозгу ў спецыяльную праграму. То-бок мозг чалавека літаральна звязваецца з камп'ютарам. А камп'ютар расшыфроўвае сігналы і разумее, які рух хоча здзейсніць мозг.

Гэты прадукт кампаніі будзе называцца "Тэлепатыя", і першымі яго атрымаюць людзі з паралюшам канечнасцяў, вынікае з твітаў Маска.

Скандальны мільярдэр не першы, хто гэта робіць. Шэраг кампаній-канкурэнтаў ужо ўкараніў падобныя прылады.

Скандал у ААН

Генеральны сакратар ААН Антоніу Гутэрыш заклікаў не спыняць фінансаванне Агенцтва ААН для дапамогі палестынскім уцекачам. Пагроза застацца без грошай навісла над Агенцтвам пасля таго, як 12 яго работнікаў абвінавацілі ў супрацоўніцтве з тэрарыстамі ХАМАС і датычнасці да нападу на Ізраіль 7 кастрычніка.

Да фаташопу і пасля

I endured a lot yesterday.

But having my body and outfit photoshopped by a media outlet was not on my bingo card.

Note the enlarged boobs and outfit to be made more revealing.

Can’t imagine this happening to a male MP.

What gives? pic.twitter.com/NhnkDRMidc
— Georgie Purcell (@georgievpurcell) January 29, 2024

"Вы можаце сабе ўявіць, каб такое здарылася з мужчынам з ліку чальцоў парламента?" — пытае палітык у падпісчыкаў.

Некалі Пэрсэл расказвала, што працавала стрыптызёркай, пакуль вучылася ў юрыдычнай школе. З таго часу яна зрабілася аб'ектам сексісцкіх нападак. Але яшчэ раз: вы можаце сабе ўявіць, каб такое здарылася з мужчынам-парламентарыем?

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.