Вы тут

Губарэвіч прапануе праймерыз для выбару адзінага кандыдата ў прэзідэнты

Юрый Губарэвіч. Фота: orsha.eu

Адзінага кандыдата ад дэмакратычных сілаў на прэзідэнцкія выбары можна вызначыць з дапамогай праймерыз. Такую ідэю агучыў кіраўнік руху "За свабоду" Юрый Губарэвіч падчас сустрэчы з аршанскімі актывістамі 12 чэрвеня, паведамляе orsha.eu.

Прэзідэнцкія выбары ў Беларусі мусяць адбыцца не пазней за 2020 год. 

Падчас сустрэчы з аршанцамі кіраўнік руху "За свабоду" больш распавядаў пра знешнюю палітыку, чым пра ўнутраную. Гаворачы пра свой нядаўні візіт у ЗША ў складзе правацэнтрысцкай кааліцыі, ён адзначыў: Беларусь цікавіць амерыканскіх палітыкаў толькі ў кантэксце канфлікту ва Украіне — як адна з краін-суседзяў Украіны.