Гомельская вобласць лідуе ў краіне па колькасці хворых на пранцы
Статыстыка значна горшая, чым у іншых абласцях Беларусі — тут хворых у чатыры разы болей.
Летась на Гомельшчыне зарэгістравалі 244 выпадкі заражэння пранцамі, сярод якіх дзесяць – у непаўналетніх. Пры гэтым, напрыклад, на Брэстчыне за 2013 год выявілі толькі 58 выпадкаў, а на Гродзеншчыне — 73.
Трывогу лекараў выклікае рост колькасці захворванняў не толькі ў вобласці, але і ў асобных раёнах: напрыклад, на Петрыкаўшчыне гэта ажно 134,8 выпадкаў на 100 тысяч насельніцтва, піша “Гомельская праўда”.