Герасіменя выйграла другі залаты медаль на адкрытым чэмпіянаце Іспаніі
Спаборніцтвы праходзяць у Малазе. "Бронзу" заваявала яшчэ адна беларуска — Аліна Змушко.
Беларуская плыўчыха Аляксандра Герасіменя выйграла другі залаты медаль на адкрытым чэмпіянаце Іспаніі. На гэты раз яна была першай на дыстанцыі 100 метраў вольным стылем (вынік — 55,61 сек.). Нагадаем, у першы дзень спаборніцтваў, якія праходзяць у Малазе, Герасіменя выйграла залаты медаль на дыстанцыі 50 метраў вольным стылем (яе вынік — 24,98 сек.).
Яшчэ адну ўзнагароду — бронзавы медаль — на дыстанцыі 50 метраў брасам заваявала беларуска Аліна Змушко. Як інфармуе "Прессбол", яна ўстанавіла свой асабісты рэкорд — 31,77 сек.
Фота: Прессбол
