Эстонія таксама вырашыла не прымаць самалёты "Белавія"
![Эстонія таксама вырашыла не прымаць самалёты "Белавія"](/sites/default/files/styles/gallery_main/public/2023-08/kaja-kallas-ep.jpg.webp?itok=grBP03RW)
Эстонія таксама вырашыла не прымаць самалёты "Белавія". Пра гэта ў чацвер у Twitter паведаміла прэм'ер-міністр гэтай краіны Кая Калас. Афіцыйнае рашэнне будзе прынятае ўжо 27 траўня. "Беларускі ўрад павінен узяць на сябе адказнасць за свае дзеянні", — піша прэм'ер.
Як паведамляе delfi.ee, раніцай у чацвер у Талін прыляцеў самалёт "Белавія". Як цяпер высвятляецца, гэта апошні рэйс.
Эстонія — апошняя балтыйская краіна, якая адмовілася прымаць самалёты "Белавія". Раней такія рашэнні прынялі Літва, Латвія, Польшча, Швецыя і Фінляндыя.
Эстонія не спяшалася прымаць рашэнне пра забарону, чакаючы адзінага рашэння ЕС. Пра гэта распавёў міністр эканомікі Тааві Аас. Нібыта чыноўнікі міністэрства не маглі знайсці юрыдычную фармулёўку, якая б дазволіла міністру падпісаць забарону на палёты самалётаў "Белавія".
Position of @EstonianGovt: #Belavia flights will not be accepted in Estonian airports, official decision later today. Belarusian government has to take responsibility for its actions.
— Kaja Kallas (@kajakallas) May 27, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.