Эпідэміі грыпу ў Мінску не фіксуецца
Эпідэміі грыпу ў Мінску не фіксуецца. Часцей за ўсё медыкі рэгіструюць выпадкі негрыпозных вірусаў, пераважна ў дзяцей. Адзінкавыя выпадкі грыпу А сустракаюцца сярод дарослых, пераважна тых, што не зрабілі прышчэпкі, інфармуе тэлеканал "Беларусь 1".
У адпаведнасці са штогадовымі назіраннямі, менавіта канец студзеня — пачатак лютага характарызуецца ўсплёскам сезонных вірусных захворванняў. Медыкі лічаць, што дзякуючы кампаніі па імунізацыі насельніцтва атрымалася пазбегнуць эпідэміі. Сёлета прышчэпку зрабілі больш за 40% мінчукоў.
