EPAM нечакана спыніў супрацоўніцтва з ЕГУ
![ЕГУ / Фота мае ілюстратыўны характар](/sites/default/files/styles/gallery_main/public/2024-04/postuplenie_v_egu_2023_god.jpg.webp?itok=--HaL0MY)
ЕГУ / Фота мае ілюстратыўны характар / ЕГУ
EPAM нечакана выйшаў з праграмы падрыхтоўкі айцішнікаў у ЕГУ, піша Dev.by. Студэнтам прапануюць альбо праяцягнуць навучанне на спецыяльнасці "Інфарматыка", альбо перайсці ў іншыя ўніверсітэты.
Як альтэрнатыва — узяць акадэмічны адпачынак. У гэтым выпадку студэнтам абяцаюць вярнуць грошы за веснавы семестр.
Навучэнцы — ў разгубленасці. Не ведаюць, што рабіць. Ім паведамілі навіну 11 красавіка, але пра прычыну кампанія не агучыла, спаслаўшыся на карпаратыўную таямніцу.
"Можна застацца ў ЕГУ, але незразумела, што будзе з праграмай, са структурай курсаў. Хоць і гавораць, што ўсё застанецца гэтак жа, верыцца ў гэта з цяжкасцю. Да таго ж, выкладчыкі былі часткова з EPAM. Пераходзіць у іншыя ўніверсітэты не выгадна праз рознасць праграм і коштаў за навучанне. У ЕГУ плата за навучанне за год складае да 2,5 тысяч еўра, а ў іншых універсітэтах у Вільні, калі казаць пра тэхнічныя спецыяльнасці, каля 4,2 тысяч еўра за год",
— распавёў выданню адзін за студэнтаў.
Магчыма, што адмова ад удзелу звязаная з ціскам уладаў на ЕГУ, тады як EPAM працягвае працу ў Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.