Вы тут

Дзяржкантроль праверыць НКА на супрацьпраўную дзейнасць

Вячаслаў Рэут / БЕЛТА

Камітэт дзяржкантролю бліжэйшым часам зоймецца ацэнкай рызык дзейнасці некамерцыйных арганізацый. Пра гэта, як перадае БЕЛТА, заявіў дырэктар Дэпартамента фінансавага маніторынгу КДК Вячаслаў Рэут.

28 красавіка у КДК праходзіць пасяджэнне Міжведамаснай камісіі па прадухіленні легалізацыі даходаў, атрыманых злачынным шляхам, і фінансавання тэрарыстычнай дзейнасці.

Па словах Рэута, праверка некамерцыйных арганізацый — "сусветны трэнд для вызначэння найбольш уразлівых кропак, дзе існуе найбольшая верагоднасць ўключэння арганізацый, грамадзян у супрацьпраўную дзейнасць". 

У Беларусі з лета 2021-га было разгромлена і зачынена некалькі дзясяткаў недзяржаўных арганізацый самых розных кірункаў — праваабарончых, экалагічных, адукацыйных, аб'яднанняў па хобі (раварысты, пчаляры і г.д.). У інтэрв'ю Бі-Бі-Сі Аляксандр Лукашэнка паабяцаў "выразаць усіх".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.