Двухразовага чэмпіёна Беларусі па барацьбе дыскваліфікавалі на 8 гадоў
![Двухразовага чэмпіёна Беларусі па барацьбе дыскваліфікавалі на 8 гадоў](/sites/default/files/styles/gallery_main/public/2023-08/dopinh-2405.jpg.webp?itok=HZJGv5UO)
Дыскваліфікацыю на восем гадоў атрымаў беларускі барэц вольнага стылю Сурхо Рашытханаў.
Прычынай такога рашэння Нацыянальнае антыдопінгавае агенцтва (НАДА) назвала спробу фальсіфікацыі допінг-пробы падчас працэдуры адбору пробаў і прымяненне допінгу.
Да таго ж у пробе 26-гадовага спартоўца выявілі дэгідрахлорметылтэстастэрон.
Тэрмін дыскваліфікацыі завершыцца 16 верасня 2029 года. Вынікі, якія Рашытханаў паказаў 10-12 верасня 2021 года, анулявалі.
Між іншага, Рашытханаў — двухразовы чэмпіён Беларусі і трохразовы срэбраны прызёр нацыянальнага першынства.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.