Два беларусы пацярпелі ў ДТЗ у Саратаўскай вобласці Расіі
Сутыкнуліся легкавы аўтамабіль і мікрааўтобус / sarnovosti.ru
Двое грамадзян Беларусі пацярпелі ў ДТЗ, якое адбылося сёння ноччу ў Саратаўскай вобласці Расіі. Сутыкнуліся мікрааўтобус і легкавы аўтамабіль, паведамляе рэсурс sarnovosti.ru.
Акрамя беларусаў, пацярпелі яшчэ чатыры чалавекі. Кіроўца легкавога аўтамабіля памёр пазней у бальніцы.
Беларусам па 29 гадоў. Стан аднаго з іх ацэньваецца як цяжкі. У яго закрытая чэрапна-мазгавая траўма, страсенне галаўнога мозга і тупая траўма жывата, піша Sputnik. У другога — таксама закрытая чэрапна-мазгавая траўма, а таксама страсенне галаўнога мозга. Яго стан медыкі ацэньваюць як сярэдняй ступені цяжкасці.
