Dream Theater мяняюць Партнога на сапожніка?
Часовая адсутнасць бубнача Dream Theater Майка Партнога ў гурце можа стаць пастаяннай: каманда знайшла Партному замену.
Па словах гітарыста гурта Джона Пятруччы, падчас кастынгу знайшоўся
бубнач, якім засталіся вельмі задаволеныя ўдзельнікі каманды. Афіцыйную
заяву Dream Theater зробяць пасля таго, як прывядуць у парадак свае
справы, хоць ім ужо карціць раскрыць карты ўсяму свету. Пакуль вядома
толькі, што новы бубнач возьме ўдзел у запісе новага альбома Dream
Theater, праца над якім мае пачацца ў студзені 2011 года.
Фота: www.dream-theater.vgdelu.info
