Дар’я Домрачава заняла другое месца ў спрынце ў Халменколене
Дар’я Домрачава заняла другое месца ў спрынце на 7,5 км. 15 сакавіка ў нарвежскім Халменколене стартаваў 8-ы этап Кубка свету па біятлоне. Беларуска без промахаў прайшла два агнявыя рубяжы, але саступіла Анастасіі Кузьміной са Славакіі, якая мела адзін промах, 8,9 секунды. Трэцяе месца ў Юліі Джымы з Украіны.
Надзея Скардзіна з адным промахам заняла 24-е месца, Надзея Пісарава прамахнулася 4 разы і была 87-й сярод 97-мі ўдзельніц. Дынара Алімбекава з-за хваробы прапусціла спрынт.
У чацвер пройдзе і мужчынскі спрынт, пачатак у 16:45. У ім возьмуць удзел беларускія біятланісты Сяргей Бачарнікаў, Раман Ялётнаў, Антон Смольскі і Максім Верабей.
Darya Domracheva is very happy with her second place today, here is what the Belarusian had to say after crossing the finish line #HOL18 pic.twitter.com/9LPaH2EstX
— IBU World Cup (@IBU_WC) 15 марта 2018 г.
