Да Вольгі Кавальковай на Акрэсціна не пусцілі адваката
Вольга Кавалькова / Еўрарадыё
Адваката Яўгена Маслава не пусцілі да ягонай падабароннай Вольгі Кавальковай на Акрэсціна, спаслаўшыся на складаную эпідэміялагічную сітуацыю, паведамляе штаб Віктара Бабарыкі.
Маслаў падае скаргу ў Ммнскі гарадскі суд і пракуратуру на парушэнне права Кавальковай на абарону.
Нагадаем, 24 жніўня каля МТЗ супрацоўнікі АМАПа затрымалі двух сябраў Каардынацыйнай рады — Вольгу Кавалькову і лідара страйкавага камітэта МТЗ Сяргея Дылеўскага. 25 жніўня суд Заводскага раёна пакараў Кавалькову 10 суткамі адміністрацыйнага арышту. Прычына паводле пратакола — актыўны ўдзел у мітынгу перад уваходам МТЗ, публічныя заклікі да страйку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
