Цягнік з Украіны пад Бабруйскам сутыкнуўся з легкавіком
![Цягнік з Украіны пад Бабруйскам сутыкнуўся з легкавіком](/sites/default/files/styles/gallery_main/public/2023-08/img_20180828_230958_conv.jpg.webp?itok=nKg4V6r4)
Пасажырскі цягнік з Украіны (Новааляксееўка — Мінск) пад Бабруйскам сутыкнуўся з легкавіком. Як даведалася Еўрарадыё, здарэнне адбылося позна ўвечары 28 жніўня. У Мінск цягнік прыбыў са спазненнем на 4 гадзіны 20 хвілін.
Прэс-служба МНС дадае, што аўтамабіль "Рэно-19", якім кіраваў 31-гадовы жыхар Бабруйска, пераязджаў праз чыгунку па плітах пешаходнага пераходу, там зачапіўся і не мог з'ехаць з рэек. У выніку адбылося сутыкненне з лакаматывам. Ніхто з людзей не пацярпеў. Легкавік быў разбіты, пашкоджанні атрымаў і лакаматыў, які праз некалькі гадзін быў заменены. Супрацоўнікі ДАІ і Беларускай чыгункі высвятляюць усе абставіны здарэння.
![Цягнік з Украіны пад Бабруйскам сутыкнуўся з легкавіком](/sites/default/files/paragraphs/image/img20180828231528conv.jpg)
Фота: 112.by