Вы тут

Ці зменіцца сітуацыя ў Беларусі пасля рэферэндуму? Разважае Андрэй Дзмітрыеў

Участок для голосования / Еврорадио

Сітуацыя ўнутры Беларусі не стане прасцейшай пасля рэферэндуму, лічыць палітык Андрэй Дзмітрыеў. Паўтарэння пратэставай сітуацыі 2020 года пры кіраванні Аляксандра Лукашэнкі можна не чакаць, кажа ён.

— Мы можам убачыць, што стане менш адвольных затрыманняў, больш прасторы для выказвання.

Сур’ёзна змяніць яе змогуць толькі знешнепалітычныя фактары, але тое не будуць змены, якія мы назіралі ў 2012–2013 гадах, калі пачалі адпускаць палітзняволеных. Зараз улада пабудавала сістэму, у якой рэпрэсіі з’яўляюцца адной з вельмі важных цаглінаў у фундаменце рэжыму. Яны могуць быць менш і больш інтэнсіўныя, але прынцыпова сітуацыя застанецца такой да мясцовых і парламенцкіх выбараў 2024 года. І гэта тыя выбары, пра якія нам трэба сур’ёзна думаць.

Ён кажа, што гаварыць пра нейкія радыкальныя змены, калі шмат каго з беларусаў няма  ў краіне ні фізічна, ні ідэйна, немагчыма.

— Мы можам дачакацца жудаснай сітуацыі, калі выбары стануць магчымымі, а не будзе нікога, хто будзе прасоўваць ідэі, звязаныя з дэмакратыяй, сапраўднай незалежнасцю, роўнасцю перад законам. Таму важна сёння ўтрымаць сцяг пераменаў, бо калі няма на што абапірацца, дык не будзе магчымасці ісці наперад, калі з’явіцца шанец.

Поўную версію размовы з Андрэем Дзмітрыевым глядзіце на ютуб-канале Еўрарадыё

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.