Былога гендырэктара "Уралкалія" Баўмгертнера пакінулі пад хатнім арыштам
Такое рашэнне 4 жніўня прыняў Маскоўскі гарадскі суд.
Суд падоўжыў экс-дырэктару "Уралкалія" Уладзіславу Баўмгертнеру хатні арышт да 14 кастрычніка, інфармуе БелаПАН. Нагадаем, што яго вінавацяць у злоўжыванні службовымі паўнамоцтвамі.
Справа Уладзіслава Баўмгенртнера цягнецца ўжо амаль год. Яго затрымалі ў Мінску 26 жніўня 2013 года. Яго арышту папярэднічаў беларуска-расійскі калійны канфлікт. У лістападзе 2013-га бізнэсмэна дэпартавалі ў Расію. Там на яго таксама пачалі крымінальную справу.
Фота — interfax.ru
