Блізкія баранавіцкіх лётчыкаў наведалі іх магілы на 9 дзень
У панядзелак паводле беларускага звычаю блізкія загінулых баранавіцкіх лётчыкаў наведалі іх магілы. Сем’і ды калегі памянулі Аляксандра Марфіцкага і Аляксандра Жураўлевіча. Магілы лётчыкаў патанаюць у кветках. Вянкі і букеты ледзь змясціліся на двух вайсковых грузавіках. Нават незнаёмыя людзі неслі кветкі, каб ушанаваць учынак лётчыкаў, якія ахвяравалі жыццём дзеля выратавання польскай вёскі.
