Беларусы знайшлі ва ўкраінца, які ехаў з ЕС, штык і нож "Кукры"

Беларусы знайшлі ва ўкраінца, які ехаў з Літвы, штык і нож у багажы. Здарэнне адбылося ў пункце пропуску "Каменны Лог". Халодную зброю ў замежніка, які быў пасажырам аўтобуса "Клайпеда — Кіеў", выявілі гродзенскія мытнікі з дапамогай магнітна-рэзананснага тамографа.

Як інфармуе прэс-служба Гродзенскай рэгіянальнай мытні, эксперт прызнаў швейцарскі штык-нож з лязом даўжынёй 30 сантыметраў халоднай зброяй. Ён быў выраблены ў першай палове ХХ стагоддзя, уяўляе сабой культурную каштоўнасць. Ёй жа прызналі і нож "Кукры" — нацыянальны нож, які выкарыстоўваецца непальскімі гуркхамі. Нож быў выраблены сто гадоў таму ў Індыі. Зброю найхутчэй канфіскуюць.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.