Беларусы скралі ў Расіі сметніцу (фота)
Трое мужчын дэмантавалі і выкралі скрыню для смецця з дзіцячага садка ў Пскове.
Грамадзяне Беларусі 60-ці, 32-х і 24-х гадоў, не саромеючыся, на вачах у мінакоў загрузілі урну ў вазок і павезлі на продаж. Адзін са сведкаў аператыўна патэлефанаваў у дзяжурную частку паліцыі і зламыснікаў удалося затрымаць.
Высветлілася, што мужчыны ўжо паспелі прадаць сметніцу, але яе хутка знайшлі. Зараз вырашаецца пытанне аб распачынанні крымінальнай справы, паведамляюць мясцовыя СМІ.