Беларускім пенсіянерам павысяць працоўныя пенсіі

У Беларусі рыхтуецца павышэнне працоўных пенсіяў. Адпаведны праект указа ўжо прайшоў падрыхтоўку і цяпер узгадняецца ва ўрадзе. Пра гэта на пасяджэнні Мінгарсавета 13 верасня паведаміла міністр працы і сацыяльнай абароны Мар'яна Шчоткіна.

"Згодна з указам пераразлік працоўных пенсій павінен праводзіцца не радзей за адзін раз на год з улікам фінансавых сродкаў дзяржаўнага пазабюджэтнага фонду сацыяльнай абароны насельніцтва", — перадае БЕЛТА словы чыноўніцы.