Беларускіх лётчыкаў, якія не ведаюць ангельскай, не дапусцяць да палётаў

Свабодна гаварыць на англійскай мове абавязаны беларускія авіяперавозчыкі. Такое патрабаванне агучыла міжнародная арганізацыя грамадзянскай авіяцыі, куды ўваходзіць і наша краіна.  Англійская мова – мова афіцыйных зносінаў паміж лётчыкамі і дыспетчарамі свету. Правесці борт ад узлёту да пасадкі, ад мяжы да мяжы, забяспечыўшы бяспеку палёту, - можа і мае права толькі авіяперсанал, які валодае гэтай мовай.

Сёння беларускія авіялайнеры лётаюць у 18 краінаў свету. Тыя беларускія лётчыкі, якія не здадуць іспыт па-ангельскай, з наступнага года не будуць дапушчаныя да міжнародных палётаў, паведамляе тэлеканал СТВ.