Беларускі хакеіст Ягор Шаранговіч працягне кар'еру ў "Калгары"
![Ягор Шаранговіч / https://twitter.com/NJDevils](/sites/default/files/styles/gallery_main/public/2023-08/Fzqiu5FWcAEDEEA.jpg.webp?itok=4ByYVB25)
Ягор Шаранговіч / https://twitter.com/NJDevils
Беларускі хакеіст Ягор Шаранговіч працягне кар'еру ў "Калгары Флэймз". Як паведамляе nhl.com, "Нью-Джэрсі" набыў 31-гадовага форварда Тайлера Тафолі ў выніку абмену з "Калгары" на Шаранговіча (Ягор сам прасіў абмен).
Ягору Шаранговічу 25 гадоў. Ён правёў у "Нью-Джэрсі" ў НХЛ тры сезоны. У 205 матчах форвард набраў 106 (53+53) ачкоў, атрымаў 43 хвіліны штрафу.
"У 25 гадоў у Шаранговіча ўсё толькі пачынаецца. У гэтага хлопца будзе шанец прынесці нас карысць", — сказаў генеральны менеджар "Калгары" Крэйг Конрай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.